شريط اعلانات الإدارة ||

ملتقى عشاق الفنان خالدعبدالرحمن يرحب بكم


   


 
 
!~ آخـر مواضيع المنتدى ~!
إضغط علي شارك اصدقائك او شارك اصدقائك لمشاركة اصدقائك!

 
العودة   > ∫ مُلتقَى مَلكـْ الفَنْ .. > ♪ ملتقى جماهير الفنان خالد عبدالرحمن ..~
إضافة رد
 
LinkBack أدوات الموضوع انواع عرض الموضوع
 
قديم 11-02-21   #11
ولد الجنوب
عاشق مشارك

الصورة الرمزية ولد الجنوب
 
 رقم العضوية : 1010
 تاريخ التسجيل :  Jan 2011
 الإقامة : 
 أخر زيارة : 11-11-15 (12:35 AM)
 المشاركات : 115 [ + ]
 التقييم :  139
 ولد الجنوب غير متواجد حالياً

 
افتراضي



انا الي اتكلم الحين ولد الجنوب الكلام هذا للتوضيح بس لان المقطع هذا فيه غموض شويه ركزو في كلمة هاذي ((
بندر اكيد بيجون يوم ويسألونك انت بالذات من بد الشباب عشان كذا حبيت اعطيك خبر..)) ..خالد شك في بندر انه عللم عليه انه يدخن فا اعطاه من الكلام الجارح قدام الشباب" نكمل المقطع


عذرا ياشباب متأسف على الفصل البايخ اللي صار قبل شوي, يالله انا ماشي...

سألني سامي بتردد واضح:

لحظه قبل ما تمشي يا بندر صحيح الكلام اللي قاله خالد؟!

هزيت راسي بأسى وانا امسك دموعي اللي عصتها شيمه الرجال

وبابتسامه رديت:

ليش استغرب منكم انكم تصدقون هالكلام فيني اذا كان خالد خوي الروح قدر يصدقه؟!!!! مع السلامه..

وطلعت

لحقني سامي...

خلني اوصلك للبيت يا بندر تراك على طريقي...

شكله حاس بتأنيب ضمير وراحمني وهذا اللي ما احبه

رديت...

لا مشكور انا بخير لا تشغل بالك...

وركبت السياره ومشيت.

فالبيت الوالده وريم كانوا فالصاله لما دخلت

واستغربوا رجوعي بدري..

بعد السلام سألت الوالده باهتمام:

بندر يمه وش فيك؟!...

ريم بعد قالت شي زاد الالم اللي في قلبي:

عسى ما شر يا بندر خالد فيه شي؟؟؟…

حاولت امثل اني معصب ..

انتِ ماتفهمين؟!! كم مره اقولك يارويم لا تتفاولين على العالم، يا جماعه كل اللي صار ان احنا تفرقنا بدري الليله عادي وشفيكم؟!...

قالت الوالده...

ياولدي وجهك متغير انا امك واحس فيك قلي يا امي من اللي مضيق صدرك؟!..

قالت ريم:

لا يكون متطاق مع واحد من العيال؟؟..

قالت امي..

وش دعوى ما تعودنا منك ياوليدي هالحركات؟!!

كنت عارف ان شكل ثيابي يدل على اني توي طالع من هوشه…

قلت لهم:

ريحوا بالكم تهاوشت مع واحد من الشباب بس جت سليمه خلاص عاد فكوني

قالت ريم:

اكيد بتجي سليمه اذا كان خلود المرعب ابو المشاكل هو اللي دايم يفزع معك المفروض محد يقرب لمك

هزت راسها كنها تذكرت شيء مو حلو...

يمه منه ذاك الولد شراني ياكثر ما صيحني وحسرني وحنا صغار،تذكرين يمه ذيك الايام؟!…

ابتسمت امي...

اول سنتين من نقلتنا للرياض ماكنت اربط شعرك دايم تجيني تصيحين من تمعيطه لشعرك..

قالت ريم..

وتضحكين بعد يمه المشكله ان ولدك ذا كان يطقني معه ما كني اخته الحمد الله والشكر...

قالت امي..

صحيح ان خالد كان شيطان وهو صغير بس والله ان الولد والنعم فيه شوفي وش صار الحين...

آلمني كلامها زياده بس سويت الوضع عادي ووجهت كلامي لريم...

وانتِ وش تبين ما عندك الا خالد وخالد؟! بعدين تستاهلين رازه وجهك عند العيال فالشارع دايم وهو معتبرك اخته...

حسيت اني احرجتها وردت..

انا والا انت اللي ما عنده الا خالد؟!!..

قطعت الحوار و رحت للغرفتي...



يتبع









 

التعديل الأخير تم بواسطة ولد الجنوب ; 11-02-21 الساعة 09:57 AM

رد مع اقتباس
 
قديم 11-02-21   #12
شَجَـنْ
مهاجره بأحساس

الصورة الرمزية شَجَـنْ
 
 رقم العضوية : 356
 تاريخ التسجيل :  Jul 2010
 الإقامة : 
 أخر زيارة : 14-06-28 (06:04 AM)
 المشاركات : 1,763 [ + ]
 التقييم :  791
 شَجَـنْ غير متواجد حالياً

 
افتراضي



.. هذه الروايه قرأتها قبل 3 سنوات مؤثره ومبكيه جداً ..
يعطيك العافيه على النقل من اروع الروايات


 


رد مع اقتباس
 
قديم 11-02-21   #13
ولد الجنوب
عاشق مشارك

الصورة الرمزية ولد الجنوب
 
 رقم العضوية : 1010
 تاريخ التسجيل :  Jan 2011
 الإقامة : 
 أخر زيارة : 11-11-15 (12:35 AM)
 المشاركات : 115 [ + ]
 التقييم :  139
 ولد الجنوب غير متواجد حالياً

 
افتراضي





قعدت في فراشي استرجع اللي صار

معقوله خالد يسوي معي كذا ويقول عني هالكلام, وبدون حتى ما يفكر وقدام هالعالم كلهم؟!!

لا اكيد انا احلم

اصلا اللي شفته اليوم انسان ما اعرفه !!!

ورغم الإهانه اللي كنت احس فيها والجرح اللي في قلبي الا اني دست على مشاعري ورحت ادق عليه لازم افهم وش اللي مضايقه لهالدرجه

ليش؟؟ لانه مو اي واحد

لكنه للاسف عطاني مشغول بعدين قفل جواله !!

جلست في بيتنا ثلاث ايام لا رحت للاستراحه كالعاده ولا استقبلت مكالمات من احد

حتى اهلي مستغربين

لكن لان طبعي كتوم ما قدروا يعرفون أي شي

كانت هاذي اول ثلاث ايام ما اشوف خالد فيها واحنا في نفس المكان

مرت علي كنها ثلاث سنوات

ورغم اللي سواه معي الا انه وحشني حيل واشتقت له ذاك الشوق اللي تحسه يوجعك مو بس نفسي الا تحس شيء يألمك من جد اذا فاهميني!!!

لكنه الله يسامحه ما حاول يعطيني أي فرصه عشان اتصل عليه

اتصلوا الشباب من الاستراحه وكانوا حاطينه عالسبيكر وسلموا علي وسألوا عن احوالي

عاد واحد منهم اسمه ماجد

قال:

وينك من زمان عنك يارجال كبر راسك علينا والا عشان خويلد ما عاد يجي صرت انت بعد ما تجي؟!

سمعت كان احد ضربه وسكته

المهم قلت:

معليش ياشباب انا هاليومين ما اعتقد اني بجي للاستراحه مالي نفس سامحوني..

قال سامي:

وشرايك نجيك للبيت اذا ما عندك مانع؟!...

استغربت بس رديت..

بالعكس حياكم الله أي وقت البيت بيتكم...

خلاص اذا شفنا يوم مناسب بندق عليك...

خير انشاءالله الله يحييكم أي وقت...

مع السلامه..

بعد شوي دق خالد !!!!!!!!

معقوله ماني مصدق عيوني وش القصه؟!

قعدت ساعه اطالع الأسم ابي اتأكد انه فعلا هو

لكن للاسف سويت شي بظل ندمان عليه طول عمري

عطيته مشغول وقفلت الجوال

ليش سويت كذا .. ما ادري .. اظن انها كانت ردة فعل طبيعيه بعد اللي صار لي معه

وما اعتقد احد يلومني

يمكن ابي ارد له اللي سواه

او كنت عارف لو رديت انه بيكون لي فضل عليه

وهذا اللي ما ابيه

المهم هذا اللي صار .. لكن الوضع استمر

صار يدق علي وانا ما ارد كنت اعاند قلبي قبل لا اعانده هو

صار يرسل مسجات يترجاني فيها اني ارد

لكن اللي فهمته من بعض المسجات

انه يبيني اسامحه لانه اكتشف انه غلط بحقي ومن هالكلام اللي خلى عنادي يزيد...

بعد يومين دق علي طلال اخو خالد الكبير

هو بعد صديق عزيز يجلس معنا من فتره لفتره فالاستراحه

وكنت اغليه من غلى اخوه واحترمه كثير ولا قدرت اصفطه

رغم اني عارف سبب المكالمه ورديت:

مرحبا طلال...

هلا وغلا وش اخبارك وعلومك يا بندر؟...

ابد والله تمام...انت أخبارك واخبار الأهل؟...

تسلم كلهم تمام, بندر ياخوي!!..

ســــم؟ ...

سم الله عدوك,
انا داق عليك عشان موضوع خالد
انا عارف انك ماتبي احد يتدخل فالموضوع حتى خالد مو راضي يتكلم
انا عرفت من الشباب وفكرت كثير قبل اكلمك لكني ماقدرت اشوف حالة اخوي كذا واصفط يديني, الصراحه من ذاك اليوم وهو مو خالد اللي نعرفه لا يروح ولا يجي ماعاد يسولف ولا يضحك حتى الاكل دايم ما يشتهي!! والوالده ضايق صدرها عليه تحسب انه زعلان على البنت
وتقول لاخواني وين بندر عنه محد بيوسع صدره الا هو!!،
صار طول الوقت في غرفته خاصه لما عرف انه مالك يد فاللي صار، وليتها جت على كذا خالد رجع يدخن بعد بس هالمره بشكل يخوف يا بندر...

قلبي انقبض بس رديت...

والله ياطلال انا مقدر موقفك وخوفك على اخوك
واعرف ان قلوبكم على بعض دايم وصدقني اخر شيء اتمناه ان خالتي يضيق صدرها وانت عارف زين اني اعتبرها امي الثانيه لكن انا ما غلطت معه ابد,هو اللي جاني ونسف كل شي حلو كان بيننا في لحظه غضب...

طيب ماتبي تعرف وش القصه وليش خالد سوى معك كذا؟..


يتبع



 


رد مع اقتباس
 
قديم 11-02-21   #14
ندى
مشرفه سابقه

الصورة الرمزية ندى
 
 رقم العضوية : 257
 تاريخ التسجيل :  Jul 2010
 الإقامة : Riyadh
 أخر زيارة : 14-11-17 (02:01 PM)
 المشاركات : 4,138 [ + ]
 التقييم :  2117
 ندى غير متواجد حالياً

 
افتراضي



با الانتظااار


 


رد مع اقتباس
 
قديم 11-02-21   #15
ملآمح خجولة
عاشق فعال

الصورة الرمزية ملآمح خجولة
 
 رقم العضوية : 828
 تاريخ التسجيل :  Dec 2010
 الإقامة : ღ حيث تُزهِرُ الرُوح ღ
 أخر زيارة : 12-11-24 (03:27 AM)
 المشاركات : 511 [ + ]
 التقييم :  441
 ملآمح خجولة غير متواجد حالياً

 
افتراضي







طرح رائع اخي الفاضل ،،ولد الجنوب،،
راقت لي الاحداث روايه فعلا جدا مؤثر
بانتظار البقيه بتشووق

يعطيك العافية
دمت بحفظ الله



 


رد مع اقتباس
 
قديم 11-02-21   #16
جروح العمر
مراقبه سابقه
الطرف الحنون

الصورة الرمزية جروح العمر
 
 رقم العضوية : 282
 تاريخ التسجيل :  Jul 2010
 الإقامة : مملكة مخاوي الليل
 أخر زيارة : 13-06-04 (08:44 AM)
 المشاركات : 4,418 [ + ]
 التقييم :  587
 جروح العمر غير متواجد حالياً

 
افتراضي



يعطيك العافيه

يتم التثبيت


 


رد مع اقتباس
 
قديم 11-02-21   #17
ليلي عذاب
عاشق فعال

الصورة الرمزية ليلي عذاب
 
 رقم العضوية : 691
 تاريخ التسجيل :  Oct 2010
 الإقامة : رحال مع خالد
 أخر زيارة : 13-06-07 (03:15 AM)
 المشاركات : 697 [ + ]
 التقييم :  243
 ليلي عذاب غير متواجد حالياً

 
افتراضي



رواااااااااااااااااااااااااااااااااااااااايه رااائعه جدا
احدااثها معبره ومؤلمه بعضها
بس تدل على قوة في الصداقه والاخوه
بيض الله وجهك يالغالي
بالانتظاااار


 


رد مع اقتباس
 
قديم 11-02-22   #18
ولد الجنوب
عاشق مشارك

الصورة الرمزية ولد الجنوب
 
 رقم العضوية : 1010
 تاريخ التسجيل :  Jan 2011
 الإقامة : 
 أخر زيارة : 11-11-15 (12:35 AM)
 المشاركات : 115 [ + ]
 التقييم :  139
 ولد الجنوب غير متواجد حالياً

 
افتراضي



شكرا جزيل الشكر لكل من علق


وشكر خاص للاخت ((جروح العمر)) على التثبيت..



 


رد مع اقتباس
 
قديم 11-02-22   #19
ولد الجنوب
عاشق مشارك

الصورة الرمزية ولد الجنوب
 
 رقم العضوية : 1010
 تاريخ التسجيل :  Jan 2011
 الإقامة : 
 أخر زيارة : 11-11-15 (12:35 AM)
 المشاركات : 115 [ + ]
 التقييم :  139
 ولد الجنوب غير متواجد حالياً

 
افتراضي



مهما كانت القصه ما تعطيه الحق انه يسوي اللي سواه ترانا ماعدنا صغار وانا اخوك,بالله هاذي طريقه يعاملني فيها؟!!
والله اني ما شفته يسوي كذا مع الناس اللي كان يتهاوش معهم وهو مراهق،
خالد قدر يقول عني كلام يجرح بدون ما يراعي أي شي ويصدق فيني كذبه بدون حتى ما يعطيني فرصه ادافع عن نفسي...

تنهد طلال..

ياخوك اللي صار ان اهل البنت قبل لا نحدد الملكه رفضوا فجأة يقولون انهم عرفوا انه يدخن او على الاقل كان يدخن ولا عندهم استعداد انهم يجازفون ,ومن ضمن الكلام فهمنا ان اللي قالهم بندر
وانجن خالد لما سمع اسمك كان مصدوم وقعد يصارخ يقول كيف يسوي فيني كذا وهو وعدني؟!
وطلع وصار اللي صار
لكن اللي فهمناه بعدين انه طلع بندر ولد جيرانا
بس تبي الصراحه ما احد من اخواني جا على باله كلنا رحنا لك على طول لما سمعنا الاسم...

ضحكت بتعجب وانا اقول في قلبي

"هذا الشيء التافه هو اللي خلاك تظلم خويك يا خالد ؟!!"

رديت على طلال..

والله هذا مو ذنبي ولا هو عذر للي سواه معي خالد ظلمني وكسر في داخلي شي عمره ما يتصلح
والله انه غالي وانا مسامحه ياطلال ولا ابي شيء منه بس صدقني ما اقدر --

وحسيت اني ماعاد اقدر اكمل...

بنبره هادئه رد طلال..

على كلا انا حبيت افهمك اللي صار وانتم رجال وفاهمين وش تسوون وانا ما اقدر الومك على شيء بس هذا اخوي يا بندر ولازم احاول اسوي اي شي...

اعذرني ياطلال ياليتك جيتني في شي ثاني والله رقبتي سداده ...

اصيل ما تقصر يا بندر اشوفك على خير...مع السلامة...

لما عرفت التفاصيل ضاق خلقي زياده

كنت اتمنى ان الموضوع يكون اكبر

يعني معقوله يسوي كل ذاك الفصل عشان تشابه اسماء؟!

شي يحز فالخاطر صراحه صحيح ان خالد معروف عنه انه عصبي ولا يقدر يضبط نفسه بس هالكلام المفروض ماينطبق علي

على الأقل مو بهالطريقه اللي صارت!!

بأختصار حسيت اني مثلي مثل غيري بالنسبه لخالد...

فاليوم الثاني جت الوالده تصحيني الساعه10الصبح ...

يمه بندر اصحى خالد عند الباب...

كنت متوقع ان هالشي بيصير وحاسب حسابه ..

قولي له نايم...

قلتها وانا اغطي راسي بالبطانيه..

حاولت تسحبها من فوقي ...

يوه اقولك خالد عند الباب وش بلاك ياولدي...

على صوتي شوي...

عارف انه خالد سمعتك من المره الاولى وانا اقولك نااااايم...

تعجبت الوالده من تصرفي لاني اول مره اسويها

لكني ما عطيتها فرصه عشان تستفسر,

طلعت من غرفتي وانا نطيت من فراشي للشباك على طول

كنت اشوف سيارته لكن ماقدرت اشوفه حاولت منا ومنا مافي مجال.

صار يمر على بيتنا يوميا الظهر والليل وانا اتهرب منه واصرفه ولا عمري طلعت له

ودروا اهلي ان بيني وبينه شي اصلا واضح مايبي لها ذكاء

اما جوالي صار مايسكت

سواء مكالمات من خالد .. او من الناس اللي يحاولون يصلحون بيننا

ومسجات طول الوقت حتى اذا قفلته وفتحت الثاني او سوا كان يدق عليهم على طول

ما ادري العب على مين

هذا خالد اللي يعرفني زين ويعرف كل ارقامي

وحتى لو كان عندي رقم محد يعرفه فهالكلام ماينطبق عليه..


يتبع



 


رد مع اقتباس
 
قديم 11-02-22   #20
ولد الجنوب
عاشق مشارك

الصورة الرمزية ولد الجنوب
 
 رقم العضوية : 1010
 تاريخ التسجيل :  Jan 2011
 الإقامة : 
 أخر زيارة : 11-11-15 (12:35 AM)
 المشاركات : 115 [ + ]
 التقييم :  139
 ولد الجنوب غير متواجد حالياً

 
افتراضي



وخالد كان ماخذ دور المقدم عشان يتهرب من الشغل كالعاده

هو واللي معه وقعد يسوي مقابلات معاهم ويستهبل عليهم

وانا اضحك طول الوقت على طريقه كلامه وتعليقاته

لما جا دوري كنت قاعد اشب الفحم ومعطيه ظهري

قرب مني...

عاد جينا الحين لاغلى انسان...

كنت مشغول باللي معي...

هلا هلا خلود,مسوي فيها مذيع يعني؟!!ما ودك تساعدني بدال هالخرابيط ازعجت العالم ياعمي...

كان يوجه كلامه للكاميرا وحاط يده على ظهري وانا مو معطيه وجه ...

هالولد اللي تشوفونه عرفته من يوم احنا صغار عزيز وغالي علي ولا ابدله بكنوز الارض...

قاله اللي يصور:

ما اقدر انا على هالكلام!! يا بعدي هاللي انت كاشخ فيه وتمدحه من الصبح حتى ما عطاك وجه وانت تتكلم...

طالعني بنظرات ما انتبهت لها ذاك الوقت

كانت تحمل معاني حلوه...

كمل كلامه..

ولله لو ايش يصير ما يتغير شي من غلاه...

تجمعت الدموع وانا اسمع كلامه مع اني ذاك الوقت واضح اني ما انتبهت لـ أي كلمه

جتني مشاعر متضاربه

كنت اقول في نفسي "كلام رائع لكن ماطبقته ياخالد باللي سويته فيني"

سكرت الفيديو ورحت انام

او بالاصح احاول انام.

يوم الثلاثاء رجعت للبيت متأخر

ولما وصلت عند الباب شفت سيارته

كان يستنى داخلها والله وحده اللي يدري من متى

وعلى ما يبدو لي من طريقة قعدتة وتكتيفة يدينه انه نايم

لأن راسه مايل على جنب بس شكله متغير مره!!

اول شي لحيته بدت تطلع,شعره تركه يطول بدون ما يرتبه وهاذي مو عادته ابد

واضح ان جسمه ضعف يعني كأنه واحد توه طالع من السجن...

وقفت سيارتي

لكنه ما حس

ما ادري وش اللي خلاني اصفق باب سيارتي بقوه عشان ينتبه ..

يمكن ما كنت ابغى انتظاره يطول

فز من نومته و نزل بسرعه ،ناداني وصوته تخالطه بحه واضحه،

وخالد من النوع اللي صوته يروح بسرعه اذا صارخ او اذا صار مريض

حسيت بتعبه

لكني ما التفت له وسويت روحي ما اسمع

ودخلت للبيت

الرجال قعد يطق الباب زي المجنون

لدرجه اني خفت يصحي الجيران ويفضحنا قدام العالم

وانا واقف عنده من داخل منزل راسي واسمعه ...

افتح يابندر خلني اكلمك الله يعافيك لا تسوي فيني كذا يابندر...

كان كل مره ينادي فيها باسمي بصوته اللي مره تسمع الكلمه ومره ماتسمعها اتألم

بس من جد ما ادري وش قوة القلب اللي جت لي فجأة وخلتني اتماسك ولا اطلع له

كل ما مر الوقت زاد عنادي

بعد فتره سمعت صوت جسمه ينسحب على بابنا كنه يقعد فالارض

رحت اركض بافتح الباب خفت انه صار له شيء

لكن سمعت صوته يكلم نفسه لانه توقع اني دخلت داخل خلاص...

سامحني يا بندر انا اسف والله اسف ...

وانا اسمعه كنت كني اسمع اعتذار من طفل متأكد ان اللي قدامه ماراح يسامحه

جلست على الارض وحطيت راسي بين يديني وسندت ظهري للباب من داخل

وانا افكر في نفسي"معقوله اللي قاعد يصير معنا يارب؟!!"

والله دنياغريبه،

وجلسنا ساكتين،

بعد فتره سمعته يتحرك ويركب سيارته

بعد يومين جاني واحد من ربع الثانويه اسمه نواف

كانت علاقته قويه مع خالد

والى الحين وهم ربع

بس هو مو من شلة الأستراحه

ابتسمت اول ماشفته تذكرت على طول هباله هو وخالد ايام كانوا يرقصون سامري فالصف كانوا اجرأ اثنين

وكيف جتهم تهزيئه من المدير خلتهم ينسون الرقص كله

وسبحان الله وشلون تغير هالنواف وصار شيء ثاني رغم ان خالد لازال على جنونه...

ماقال شيء عن الموضوع

لكن جيته صدقوني كان لها اثر في نفسي

ذكرتني بأشياء كثيره

واظن ان هذا مقصده من الزياره..



يتبع


 


رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحمد, وبندر, خالد, رواية, رواية.., صداقه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صداقه غير المسلمين ريماس ♪ ملتقى العام ..~ 1 14-08-26 01:16 AM
ياسر الشمراني : كشف حقيقة الخلاف بين خالد عبدالرحمن وبندر سعد بعيد الملامسـ ♪ ملتقى جماهير الفنان خالد عبدالرحمن ..~ 15 11-10-19 03:04 PM
رواية الامير بدر بن عبد المحسن "توق" يتم تصويرها الى مسلسل ندى ♪ ملتقى الفن والفنانين ..~ 5 11-03-14 01:08 AM
رسائل صداقه طـــــــــيف ♪ ملتقى العام ..~ 7 10-11-04 10:29 PM
الامير الشاعر خالد بن سعود .. محمد عبده فنان العرب ..خالد عبدالرحمن ملك الفن أبوفيصل ♪ ملتقى جماهير الفنان خالد عبدالرحمن ..~ 4 10-06-01 12:49 AM


الساعة الآن 01:26 AM

أقسام المنتدى

∫ مُلتقَى مَلكـْ الفَنْ .. @ ∫ مُلتقَى الأقْسَآم الأدَبيـّـةْ .. @ ∫ مُلتقَى الأقْسَآم التَرْفيهيـّةْ .. @ ∫ مُلتقَى الأقْسَآم التِقَنيـّـةْ .. @ ∫ مُلتقَى الأقْسَآم الإدَآريــَـةْ .. @ ♪ ملتقى جماهير الفنان خالد عبدالرحمن ..~ @ ♪ المكتبه الصوتيه والمرئيه ..~ @ ♪ مكتبه صور ملك الفن ..~ @ ♪ ملتقى مخاوي الليل الأدبي ..~ @ ∫ مُلتقَى الأقْسَآم العَامـّة .. @ ♪ ملتقى العام ..~ @ ♪ ترانيم الــقۉآفي..~ @ ♪ نبض الخوآطر ..~ @ ♪ ملتقى الشباب ..~ @ ♪ ملتقى المرح والوناسة ..~ @ ♪ الكمبيوتر والبرامج ..~ @ ♪ ملتقى الصور والسياحه ..~ @ ♪ منتدى التصميم والجرافيكس ..~ @ ♪ قسم الجوال والـ sms ..~ @ ♪صفحه الفنان خالد عبدالرحمن twitter ..~ @ ♪ منتدى تحليل الاغاني الخالديه ..~ @ ♪ ملك الإهداءات والتهاني ..~ @ ♪ ماسنجـ MSN ـر وتوبيكات ..~ @ ♪ ملتقى الفن والفنانين ..~ @ حبر .. وورق @ جلسآت ملك الفن @ القسم الإسلامي العام @



Powered by vBulletin® 2016, Trans. By Soft
HêĽм √ 3.1 BY: ! ωαнαм ! © 2010
جميع الحقوق محفوظة لمنتديات عشاق خالد عبدالرحمن ©
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

Content Relevant URLs by vBSEO