!~ آخـر مواضيع المنتدى ~!
إضغط علي شارك اصدقائك او شارك اصدقائك لمشاركة اصدقائك!


اغاني ملك الفن

السلام عليكم ورحمة الله وبركاتة وبعد هنا اقدم للمنتدى ولجمهور العطاء عشاق ملك الفن هذا الاهداء نقلا من ديوان( اغاني

إضافة رد
 
LinkBack أدوات الموضوع انواع عرض الموضوع
#1  
قديم 13-06-22
مرسى البوح
عاشق جديد
مرسى البوح غير متواجد حالياً
 رقم العضوية : 5146
 تاريخ التسجيل : Apr 2013
 أخر زيارة : 13-12-07 (12:06 PM)
 المشاركات : 24 [ + ]
 التقييم : 15
 معدل التقييم : مرسى البوح is on a distinguished road
بيانات اضافيه [ + ]
افتراضي اغاني ملك الفن






السلام عليكم ورحمة الله وبركاتة وبعد

هنا اقدم للمنتدى ولجمهور العطاء عشاق ملك الفن

هذا الاهداء

نقلا من ديوان( اغاني خالد عبدالرحمن / واعداد بندر الرشود)

فقط تابعوني هنا

ارجوا ان ينال اعجابكم



حدي نظر

كلمات والحان / خالد عبدالرحمن

حدي نظر مابغيت اكثر
الله امر لعيونك اسهر
واجهت عيني ملاك الحسن في حيره
وانعقد حرفي وخان الوصف تعبيره
وقسمتي بك ياقمر حدي نظر

ردلي عمري منك بنظره
دام انا حي
غايتي شوفك بس لو مره
مابقى شيء
لي بالعمر ليل اخاويه
وآنسى بك الذكرى

آه ياصبري مالي القدره
للعطش مي
شيء في صدري وانكشف ستره
كشفت الظي



-----------------------------------------------------------

الوقت ماله


كلمات والحان / خالد عبدالرحمن



الوقت ماله ياريش العين منه
الحظ جابك والله اللي رفعني
اشوف هالدنيا لي اليوم جنه
كل الغلا شفته بعينك وضعني
حساد حبك هاب ثم خاب ظنه
حتى الشديد من القوي مامنعني
هن الخفوق بصادق الشوق هنه
الي معك مامرة قد قطعني
وان قلت قلبي زاد بالعشق فنه
اهيم صدق هيام قلبي دفعني
وليا خفق قلبي مع الخفق ونه
ان ساقني والا ترى ماردعني


-----------------------------------------------------------

صفحة جديدة


كلمات / بندر الرشود
الحان / خالد عبدالرحمن


افتحي صفحة جديدة ياملاك
وانسي اللي فات نبدى من جديد
دام قلبي يحترق ماقد نساك
والمشاعر في هوى حبك تزيد
ماكفاك اني على درب الهلاك
انزف الدمعة كما نزف الوريد
من عذابي بس افكر في رضاك
وانتي احساسك عن احساسي بعيد
وافي صادق معك اطلب عطاك
وش بغيتي حب ثاني مايفيد



-----------------------------------------------------------


من الفرحة


كلمات / مجازف
الحان / خالد عبدالرحمن



من الفرحة نسيت اني عليك البارحة زعلان
نسيت اقول لو تسمح ..تكرم .. لاتكلمني
اهلي بك مثل مانته تهلي بي وانا الشفقان
احسب اني انا الغلطان وفرصتك ماتعلمني
ذكرت ان علي اخطيت ولكن نعمة النسيان
تنسيني خا الغالي وترجع له تسلمني
حبيبي ماتمكن داخل فؤادي ولا انسان
الومك يومك انت اخطيت واذا اخطيت انا لمني
حبيبي لو يطول الوقت او يقصر ابد خلان
تراك انت الوحيد اللي يشتتني ويلملمني
حبيبي دايما قلبي معك مشتاق لك ولهان
غيابك عن عيوني طول هالمدة يألمني




-----------------------------------------------------------


حالمة


كلمات / فهد السياري
الحان / مساعد العيسي



حالمه .. وابعاد تفكيرك خيال
في هجير الشمس ماتلقين في
يوم عشتي من حناني في دلال
تحسبين انك ملكتي كل حي
لوتندمتي وناديتي .. تعال
ماتغير صرخة احساسك علي
كيف وانتي للكبر صرتي مثال
وانطويتي بدنيتي احلام طي
غرك احساسك وتحقيق المحال
لابغيتي شي .. خذتي كل شي
الغرور ايحطم اجسور الوصال
يعمي اعيونك ترى عن كل ضي
الغلا له حد يابنت الحلال
خففي من كبرك الزايد اشوي



-----------------------------------------------------------


بقايا جروح

كلمات والحان / خالد عبدالرحمن



خذني بقايا جروح .. أرجوك داويني لاتروح الروح
كفى عذابي منك .. ليه تشقيني.!
مافوق جرحي جرح .. وجروح تاويني .. وصبري فقدته بجرح
الموت له حروه ... خوفي يمسيني
ياخلي يامرتاح .... ليتك تواسيني ... لاتنوي المرواح
ملامحي جروح ... وش منك يشفيني
مابين عصف وريح ... الهم طاويني ... أنت له مريح
أبي لعمري يوم ...بالوجد تعطيني




-----------------------------------------------------------


حروف الحب


كلمات / غيوض
الحان / سمير مبروك


اكتب حروف الحب حبس برجليك
قيد يقيد خطوتك لاتروحي
اقعد معي وان رحت خذني مخاويك
عن لاتروح ان كان قفيت روحي
ريض خطى رجلك شوي لغاليك
خله عليك بسر حبه يبوحي
ياواحد مالك شبيه لك يحاليك
نفس بحبك من ظماها شحوحي
أغليك واللي كون الكون أنا أغليك
وحب الغلا ماهوب مثل حب المزوحي
ياغالي دمعات عيني تناجيك
بعباير من فوق خدي تفوحي
حتى وانا في غفوة النوم أناديك
وطيفك على شاشة خيالي يلوحي
أرجع علي وضمني بين أياديك
ضمة غلا تحيي بها ميت روحي



-----------------------------------------------------------


بنساك


كلمات / شيمه
الحان / خالد عبدالرحمن


بنساك لاني لك .. البس ملبس النسيان
مابغاك لأني الآن .. ارفض عيشة الحرمان
مبغاك يكفيني تعب .. مبغاك لو انك ذهب
كانك قدرت تجمع سنيني اللي مضت
كانك قدرت تسقيها روحي اللي ضمت
حتى لو انك قدرت
لاتطري الرجعة على لسانك ابد ... ماظن لي قلب بيرقص لك طرب
ولاعاد لي نفس تنادي لك محب
حبك رماد حبك ذراه ذاك المهب ... حبك رميته واتبعه
حبك طويته وانتهى
بودعك على امل انساك
وياليتني صدفه ابد مالقاك
بنساك وبنسى مامضى
وبشوف بعيوني الفرح
بنسى الندم وجرح الهوى
عله يطيب قلب انجرح
ثغري لقى الضحكة ونيس
من قلب علمني الصبر
وحاضر حياتي لك يقيس
كيف اثر بي العذر



-----------------------------------------------------------


بلا ميعاد


كلمات والحان / خالد عبدالرحمن



فجأة أطلبتني لها بلا ميعاد
طول انتظاري علّ حالي بسببها
لبيت وجيت اقبالها .. وشفتها تزداد
روعة بصورة حسن ربي رسمها
عيني أنا أف .. عينها .. والقلوب ابعاد
أخشى هدب عيني يلامس هدبها
ما أقوى الحكي حينها .. والقلب ما أعتاد
على لقا اللي حبها من عرفها
نظرة سواد عيونها .. هذا المنى ومراد
لهفة شفايف طولت في عنقها


-----------------------------------------------------------

انتظروووا القادم قريبا حتى النهاية










رد مع اقتباس

اخر 10 مواضيع التي كتبها مرسى البوح
المواضيع المنتدى اخر مشاركة عدد الردود عدد المشاهدات تاريخ اخر مشاركة
اغاني ملك الفن ♪ ملتقى مخاوي الليل الأدبي ..~ مرسى البوح 2 1305 13-06-22 05:21 PM
من اغاني خالد عبدالرحمن ♪ ملتقى مخاوي الليل الأدبي ..~ مرسى البوح 0 913 13-06-22 04:39 PM
ياحزين الصوت ♪ ترانيم الــقۉآفي..~ مرسى البوح 0 575 13-06-22 12:38 PM
طبعي الكرامة ♪ ترانيم الــقۉآفي..~ مرسى البوح 4 657 13-06-03 09:22 AM
يالمرحب ماتهون التراحيب ♪ ملتقى العام ..~ مرسى البوح 14 972 13-04-04 06:24 AM

قديم 13-06-23   #2
مرسى البوح
عاشق جديد


الصورة الرمزية مرسى البوح
مرسى البوح غير متواجد حالياً

بيانات اضافيه [ + ]
 رقم العضوية : 5146
 تاريخ التسجيل :  Apr 2013
 أخر زيارة : 13-12-07 (12:06 PM)
 المشاركات : 24 [ + ]
 التقييم :  15
افتراضي



تقوى الهجر

كلمات / الامل المجروح
الحان / خالد عبدالرحمن



تقوى الهجر ..
مانجبره من عافنا ماينجبر .. لاتعتذر
زاح الصبر ..
لالاتعنا لي وتمر .. وتبغا الصبر
وين الصبر .. تقوى الهجر
وش لي بقا عندك .. تدور لي عذر لاتعتذر
جرحي عميق والقلب في دمه غريق
وتبغا الصبر ويلاه من وين الصبر مهما تقول لاتعتذر

مهما تقول من الأغاني والجمل .. مايحتمل قلبي فديا جبر الألم..
يمشي معك درب الندم مايحتمل

يكفي عليه .. منك احتمل كذب وغدر
حبك سراب ضيعت وقتي اتبعه
وسط الضباب صوتك ينادي اسمعه صرت اتبعه ..

واليوم في صحراء الظماء
ترمي فؤادي وتحرقه
وترجع تقول ابعتذر ليه العذر
دام الهوى ..
ماله على قولك عذر
والجرح ياجرحي يداويه الصبر . ليه العذر ..
الله كريم ... الله عليم
هو عالم بالحال ولايمكن يظيم
عزاه لك ياقلب يا احلى نديم
عزتي للحب لو يصبح يتيم ...
حبك يتيم وكلك ندم ...
وين الندم بين السطور
عمر العدم ماله ظهور ...
ترى هذا غرور

تمشي بطريق وانا بطريق اللي يوديني البعيد
عنك يا اول رفيق .. البعد يعفيني المزيد ...
وين الوفاء والتضحية وينك رفيق ..
وبتجمع اوراق السنين ..
لاتنسى تجمع جروحي .. ودمعي وآهاتي معكك
وقلبي بعد ماقتلته ... يارفيقي ... مابيقدر يمنعك
كل الامر عادي بيديك .. ياخلي ياهاجر ماعندك عذر



-----------------------------------------------------------


حقيقة

كلمات والحان / خالد عبدالرحمن


حقيقة فعلك مايطاق
ومن يستحق فينا العتب
وان كان تنوين الفراق
سهلة عليك بلا سبب
قليل أحس بطيبتك
وكثير من اللوم
لاتتعبيني وش بقى
مرضى الشقى لي دوم
مابيننا دار الزعل
ما أظلمك في كل الخطا
الجد أبقى من الهزل
والتضحية أصل العطا
وشلون بمشي بطاعتك
وأنتي علي تقسين
أخذي القرار براحتك
ماأسالك زين أو شين
من كثر خوفي والألم
ما عاد أحس بأي خوف
سرت الخطا بليل الظلم
درست حالك سمع شوف
ان كان لي حق أبيه
وان كان مالي أنسحب
واللي تبينه اتبعيه
قلبك يبي من هو يحب



-----------------------------------------------------------

انتظرته


كلمات / رياض ابراهيم
الحان / خالد عبدالرحمن



انتظرته وقلبي احساسه يقول
صوت خلي اليوم ماظن اسمعه
الخبر عندي وغيبته بتطول
وقتي من اليوم حسابه بجمعه
ضاق بي صدري وأدور له حلول
في ضميري نار شوقي مولعه
عشت في دنيا ادور بها وأجول
عشت فيها بضيق وعايشت السعه
مالقيت اللي على دربي صمول
كود بعض الناس وقته يمنعه
روضتي جفت وأنا خلي سيول
مبعد عني وقلبي يتبعه
طبعها اللي يوصف بطبع الخجول
بين كل الناس عندي يرفعه
الغريب اللي أسولف له وأقول
عن هوى نفسي كلامي أقنعه
مايلام اللي مثل حالي ينول
لو قضى ليله يساهر مدمعه
لي على الغالي وشوفاته ميول
وزود شوقي له غرامي يصنعه
لو حصل لي شوفته همي يزول
وقتها أنسى البشر وأجلس معه
أذكر أني بغيبته دايم أقول
هو حياة القلب هو له مطمعه
فرحتي ياخالد بيوم الوصول
وأفرح لقلبي بهم ودعه



-----------------------------------------------------------

لك عين تسأل


كلمات / الحر
الحان / خالد عبدالرحمن



لك عين تسأل
بعد ما جرحت فيني بالكلام
لك عين تسأل
بعد مابيني وبينك من خصام
تنتظر مني الرضى واتجاهل مامضى
ماكن في قلبي ولع واستوى جمر الغضى
أسف لاتحاول مني أني انتظر
آسف كلمة آسف ماتكفي لك عذر
تنتظر مني ارد بعد ماصار اللي صار
وانا مالي إلا أرد كلمة لك باختصار
كنت احبك في غرورك في عنادك
كنت احبك مابغيت الا ودادك
فجأة ترخص بتقديري وحبي
وتغرق بحالة غضب ما أعرف ذنبي



---------------------------------------------------------


ظن


كلمات / مخاوي الليل
الحان / خالد عبدالرحمن



ظن كفا سؤ ظن
مستشعره مني رضاك
لن ادينك .. ولن
ارتمي اطلب صفاك
تعتقد ان لك في مهجتي الشيء القليل
وانني اهدف الى حب التملك كالبخيل
أسأت بي فهما
أسأت بي عفوا
كفاك سوء ظن
لايدان المرء بشي ليس به
ولا خلق بالناس معصوم الزلل
لما التخاطب بلغة الاعتقاد
كفاك ياجارح الا لا تؤتمن
ياللعجب أف الصراحة
صدق المشاعر تغتصب
ياللعجب كيف يبدو الحسن ظالم
ما لخطب
اجاهدك صبرا بسرا لا علن


-----------------------------------------------------------


عيون الحب


كلمات / طلال الرشيد
الحان / خالد عبدالرحمن



عيون الحب لا يمكن تناظر
عيوب الخل لو هو عيب كله
تماري فيه وبوصفه تكابر
ترى من فوق خلق الله محله
رفيق الليل في الشباك ناظر
واثاري الليل شباك لخله
حفظ أحلى الكلام وصار شاعر
بصبر ينتظر والصبر مله
حبيب عشت في دنياه عابر
حسب قول وياشعري فقله
أنا ضحيت له وارجي وصابر
واذا عيا أقول الله يحله
علي اللي ينتظر يابعد باكر
يبي السلوان والذكرى تضله
عيون الحب في قلبي تناظر
تشوف اللي عيوني ماتدله



-----------------------------------------------------------





 

التعديل الأخير تم بواسطة مرسى البوح ; 13-06-23 الساعة 11:14 AM

رد مع اقتباس
قديم 13-06-26   #3
مرسى البوح
عاشق جديد


الصورة الرمزية مرسى البوح
مرسى البوح غير متواجد حالياً

بيانات اضافيه [ + ]
 رقم العضوية : 5146
 تاريخ التسجيل :  Apr 2013
 أخر زيارة : 13-12-07 (12:06 PM)
 المشاركات : 24 [ + ]
 التقييم :  15
افتراضي



توني دريت


كلمات / مخاوي الليل
الحان / خالد عبدالرحمن



توني دريت ان حبك غلطتي
توني دريت بالصمت حارة كلمتي وماحكيت
ماقويت انطق حروف
صابني عجز الكلام ولا شكيت
يطيب لك تجريح قلبي الوافي
لاتحمليني هم منك ذا كافي
ظميتك وانتي .. الماطر
بكيت ماضي .. وحاضر
لقيتك في حياتي خوف
سطى بقلبي وعل الروح
وبان بطرفي الساهر
وخدعني فيك قصر الشوف
لك بجوفي المحبة من سنين
ومنك خوفي خوفي انك تجرحين
وهذي النهاية بعد جرحي
وش تبين
اببتعد واتعبتني خطوتي
ترتعد من شعوري بغلطتي
الألم والأسى من خفايا رحلتي
توني دريت ان حبك غلطتي


-----------------------------------------------------------



فرحة لقانا


كلمات / السامر
الحان / خالد عبدالرحمن


لاتستحي قل احبك تعبت اسماعي
ارجوك لاتستحي ياصاحبي قلها
اطلق احجاجك وخله يرسل الداعي
فرحة لقانا ترى مابيك تقتلها
ضاح ابجبينك لعيني نور وشعاعي
وعيوني لشوفتك مع خافقي ولها
خذ جرحك العام بي من هاجس اوجاعي
والى يابو ضحكة بيديك كملها
وان قالوا الناس عمري بالهوى ضاعي
بانت لك اسرار قبل اليوم تجهلها
ياصاحبي هاجسي بك دايم واعي
فيك انت نفسي تجادلني واجادلها
مر تكون الرعية والهوى راعي
ومر اكون الرعية وانت كافلها
افرح بطيفك يجيني وارفع شراعي
والنفس بوعودك اللي كذب عللها



-----------------------------------------------------------


سيد الحب


كلمات / مخاوي الليل
الحان / خالد عبدالرحمن



احسن بك النية وتفتح علي أبواب
باب النكد ياعجل ماتفتح ابوابه
إن حيت ابين لك على رغبتي باسباب
اخطيت في تقدير ظني مع اسبابه
خليتني اخشاك ماكننا احباب
متعوس قلب ماتوفق مع احبابه
واليا بغيت اطلب حسب الف والف حساب
يرضيك من حبك معك يسقط حسابه
ان قلت لك مرتاح والله انا كذاب
وان ان روحي سرها البعد كذابه
الشوق يدني ربع من طولوا غياب
والشوق يذبح لى تباطوه غيابه
اقولها والنفس تحفظ لك الترحاب
يسوقها فكر عطا كل ترحابه
اني بحبك سيد الحب ولاترتاب
اسكنك ياحب هجد نفس مرتابه



-----------------------------------------------------------


وش تبين


كلمات / مخاوي الليل
الحان / خالد عبدالرحمن


وش تبين
بخفايا روح مجروح الزمن
وش تبين
مابقى للحب مايسوى الثمن
من ضحايا العشق عشنا
والجديد جروح
لا ونسى في خاطر الي
ذاب عمره جروح
اتركيه اللي خفى بنفسي ومات
لي جسد يابنت فارقته الحياة
لاتساليني
شي راح وكان
عاصره انسان
والنتيجه مره
عشتها بكتمان
يالله النسيان



-----------------------------------------------------------


لوعتي


كلمات والحان / مخاوي الليل


لوعتي فيك لوعه مالها من مثيل
جدد الوقت جرحي بين يوم وليله
آه ياحظ جدلي لو بشي قليل
ماخبرتك كريم مير مافيك حيله
حملي اللي اشيله فوق متني ثقيل
كل ماجيت احطه عارضتني بحيله
ليتها عن هوانا تنتحي للبديل
كود حالك حبيبي يمي يطلق سبيله
من غلاك افتخر بك واعمل المستحيل
لو اعاني حياتي خل يعشق خليله
ماعرفت المذله .. لا وانته ذليل
عزة النفس فينا ياحبيبي حصيله
سالت ادموع عينك وانا دمعي يسيل
حزني اللي ملكني والليالي طويله
وقتي اللي طلبته من واثره بخيل
شح وقتي ودبّر ماعطاني قليله



-----------------------------------------------------------


اهلا .. هلا بك

كلمات / سعود بن عبدالله
الحان / سلطان الشادي


اهلا هلا بك .. يابعد كل من لي
ياغلا من الغالين ياروح روحي
يفز لك قلبي .. وارحب .. واهلي
وتطيب في قربك .. جميع الجروحي
لك طلعة مثل .. القمر .. يوم هلي
خلا .. سواد الليل .. نور يلوحي
يمك دعاني زايد الشوق كلي
جيتك وانا قلبي ... بحبك يفوحي
تعال نحكي .. عن مشاعرك قلي
واحكي لك همومي.. وجرحي .. ونوحي
هاج الغرام وتله القلب .. تلي
قلب قبل عرفك .. حياته مزوحي


-----------------------------------------------------------

لامتى


كلمات / فهد بن مشعل
الحان / عاشق


لامتى قلبي اسيرك
لامتى عيني تهل
لامتى ابكي هجيرك
وانت يمي لك محل
ارتعش الله يجيرك
قلبي اللي مايمل
يشتكي قسوة ضميرك
كيف تفجعني وتحل
ماعطيت الحب غيرك
وانت تجرح ماتمل
لاتقول لي مابي غيرك
الكذب مايكتمل
عاذل موّت ضميرك
مبعدن عنه الخجل
اله الا في عشيرك
طعن واسيوف تسل
وانت راضي به يشيرك
كيف دربك مايزل
ياحسافه طار طيرك
مدمي جرحه يهل
وانطفى نجم ينيرك
وانا بي حل الاجل
كثر الله الف خيرك
تهدي الموت بعجل

-----------------------------------------------------------


الصد


كلمات/ اثيل
الحان / خالد عبدالرحمن


والله لجازي راعي الصد بالصد
واصد عنه وكنه ماهوب موجود
اول معه امشي الى ابعد الحد
واعطي وفاء واخلاص ماهوب محدود
لكن لقيته مايبادلني الود
ويجزي العطاء مني بنكران وجحود
باب انفتح بهموم .. واليوم ينرد
مافي بقايا الامس ياوقت لي زود
وقفت في وجه الهوى وقفة الند
ابقى وعز النفس ماهوب مفقود
طويت حلم فات في راحة اليد
وتركت درب كان مفروش بورود
درس وعاه القلب من صفعة الخد
الغدر ماهو بس .. في ايامنا السود


-----------------------------------------------------------


ياعذابي


كلمات والحان / خالد عبدالرحمن


ياعذابي .. كيف انا بقوى عذابك
لاصار في بعدك عذاب
وفي قربك عذاب
ياشبابي .. زينة ايامي شبابك
لك في حياتي حساب ..
ونسيانك حساب ..
ماتصدق لو اقول انك حياتي .. في كل شي
سمعي وشوفي انت ..دمي واحساسي
بسم الهوى لازلت .. حبي وهوجاسي
وتدري علي .. في قربك وفي بعد عذاب
ياحب مالي فيك غير الشقى
ياحب اخذ من حياتي مابقى
عشته باحساسي ولا به شك
يبدل اشعوري
حبك جرى في دمي وذاب


-----------------------------------------------------------


لاشاري العقد


كلمات / بدر بن عبدالمحسن
الحان / محمد شفيق


لاشاري العقد ولا مهدي سوار
لاتلحقي نفسك هموم وحسايف
تريثي ياقرة العين مقدار
ماتشرب عروق القصيد الوصايف
لامن قدحت الشعر وشبيت لك نار
نار على روس الهضاب النوايف
يطرب لها الساري ويسري بها الطار
وتزهر بها عقب المحول الشفايف
قصيدة تولد ورى باب وجدار
سر الضلوع المرهفات النحايف
باهديك انا عمر ولا كل الاعمار
ينفى القلب عقبه وتنفى الصحايف
غيبي وشيببي واتركي كل ماصار
يبقي جمالك في قصيدي طرايف
خلي الكواكب من سنا نورك تغار
ولاتلحقي نفسك هموم وحسايف


-----------------------------------------------------------


دقات قلبي

كلمات / غيوض
الحان / خالد عبدالرحمن



دقات قلبي من عناي اعبثت بي
تزود بين الثانيه .. والدقيقه
راحت بي افكاري بعيد وجت بي
واهداب عيني في دموعي غريقه
اكتب وتقرى ريشة العود كتبي
شعري سلس ينساب على السليقه
مشاعري ياشوق يمك جرت بي
من مرهف احساسي بيوت رقيقه
احن واشواق الغرام اعصفت بي
وقلبي فراقك ساعة مايطيقه
محبتك ياروح روحي سطت بي
والدمع في عيني من اجلك بريقه



-----------------------------------------------------------



 


رد مع اقتباس
إضافة رد

مواقع النشر (المفضلة)

الكلمات الدلالية (Tags)
اغاني, خالد, عبدالرحمن


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are معطلة



Powered by vBulletin® 2019, Trans. By Soft
HêĽм √ 3.1 BY: ! ωαнαм ! © 2010
جميع الحقوق محفوظة لمنتديات عشاق خالد عبدالرحمن ©
RSS RSS 2.0 XML MAP HTML

الساعة الآن 09:54 PM

أقسام المنتدى

∫ مُلتقَى مَلكـْ الفَنْ .. @ ∫ مُلتقَى الأقْسَآم الأدَبيـّـةْ .. @ ∫ مُلتقَى الأقْسَآم التَرْفيهيـّةْ .. @ ∫ مُلتقَى الأقْسَآم التِقَنيـّـةْ .. @ ∫ مُلتقَى الأقْسَآم الإدَآريــَـةْ .. @ ♪ ملتقى جماهير الفنان خالد عبدالرحمن ..~ @ ♪ المكتبه الصوتيه والمرئيه ..~ @ ♪ مكتبه صور ملك الفن ..~ @ ♪ ملتقى مخاوي الليل الأدبي ..~ @ ∫ مُلتقَى الأقْسَآم العَامـّة .. @ ♪ ملتقى العام ..~ @ ♪ ترانيم الــقۉآفي..~ @ ♪ نبض الخوآطر ..~ @ ♪ ملتقى الشباب ..~ @ ♪ ملتقى المرح والوناسة ..~ @ ♪ الكمبيوتر والبرامج ..~ @ ♪ ملتقى الصور والسياحه ..~ @ ♪ منتدى التصميم والجرافيكس ..~ @ ♪ قسم الجوال والـ sms ..~ @ ♪صفحه الفنان خالد عبدالرحمن twitter ..~ @ ♪ منتدى تحليل الاغاني الخالديه ..~ @ ♪ ملك الإهداءات والتهاني ..~ @ ♪ ماسنجـ MSN ـر وتوبيكات ..~ @ ♪ ملتقى الفن والفنانين ..~ @ حبر .. وورق @ جلسآت ملك الفن @ القسم الإسلامي العام @


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27