!~ آخـر مواضيع المنتدى ~!
إضغط علي شارك اصدقائك او شارك اصدقائك لمشاركة اصدقائك!


♪ ترانيم الــقۉآفي..~ للشعر بانواعة والنثر والمنقول

من بعد الردية والله شوفت الاذية

يا طويل العمر نياتك رديه ...قصر الله عمر خلان السوادي يا طويل العمر اساليبك غبيه ..لبسوك الجوخ وانت انسان عادي يا طويل العمر مالك جاذبيه ...عند

Like Tree1Likes
إضافة رد
 
LinkBack أدوات الموضوع انواع عرض الموضوع
#1  
قديم 14-11-10
هيثم
عاشق مشارك
هيثم غير متواجد حالياً
 رقم العضوية : 5575
 تاريخ التسجيل : Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم : 62
 معدل التقييم : هيثم will become famous soon enough
بيانات اضافيه [ + ]
افتراضي من بعد الردية والله شوفت الاذية



يا طويل العمر نياتك رديه ...قصر الله عمر خلان السوادي

يا طويل العمر اساليبك غبيه ..لبسوك الجوخ وانت انسان عادي

يا طويل العمر مالك جاذبيه ...عند اجاويد العرب حضر وبوادي

لو مكانتك إجتماعياً جليه ..صرت بعيون العباد اردى العبادي

الله اكبر كم دمحنا من خطيه ...ما درت عنها جماهير النوادي

ما لقوا منك الكرام الا الاذيه ...والكرام تعدها كبوة جوادي

طال عمرك من تردى في خويه ..جعل ماله لا عوين ولا عتادي

طال عمرك ليتهم جابوا صبيه ..كان ذاك الليل عيد من العيادي

طال عمرك تستحق الحضرميه ..والمعذرة للخناجر والهنادي

يا عدو الطيب معدوم الحميه ..يا ثقيل السمع لا نادى المنادي

للردا والشر مفتوح الشهيه ...وللوفا والواجبات اعدى معادي
الشاعر ناصرالقحطاني
(ناصر):
سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب
(ناصر):
أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب
خالد..الله الله
خالدعبدالرحمن
أنا من خانته عبرة فرح ولا ضحك مسرور ... يضيق به النفس ودّه يقول من الحكي خيارة
أشيل غناي لك عرضة وأبدّل به على المجرور ... وأموّل من طواريقي على عشّاق سمّارة
أبكتب من قصيد الوزن وغيره من شعر منثور .... أنا لك شاعرٍ يكتب وشعره نقوة أفكاره
ألا ياغايبٍ عنّي معي حاضر كما الدستور .... خيالك مايفارقني بفكري دقّ مسماره
إلى من ضقت أسولف بك على نفسي وأنا مقهور ... وأقول الوقت مايعطي على ما أريد وأختاره
أبرسل لك مع النسمة سلام الخافق المكسور ..... عسى يجبر عزاه أنّك تجيه وتنطفي ناره
أعرف النفس توّاقة وأعرف أني منا مسحور ..... ولكن سحر زينه صار ياخلق الله شعاره
أنا والليل والهاجس قطعنا بالخيال بحور ..... أبي من هو يوصّلني ومن يعطيني أخباره
وووووووووووو
كلمات انشودة الحكايه من كلمات الشاعر فهد الفوزان الحان حمد الزغيبي
من يبي يسمع حكايه من حكايات الزمن
البطل فيها رفيق بدنيا مافيها امان
والضحيه قلبي الي ما عطا الا الحنان
للأسف قلبي وفا له .. صاحبي باعه وخان
ياحكايه من ظليمه جسدت معنى الذهول
بين طيات الخيانه تنكتب بالإحتقان
صدق هالدنيا دنيه حيرت فيها العقول
ساعة تصفى وساعه تسقي كاسات المرار
لي صديق كنت اعده فوق هقوات العذول
لاجفاه الوقت يلقى روحي له مسكن ودار
حافظ قدره وصاين للموده والأصول
حالفاً ماخون عهدي للصداقه مهما صار
وللأسف صد وجفاني دون حتى لايقول
بلاسبب فجأه تخلى واتخذ اقسى قرار
قلت ابصبر في غيابه بس جعله ما يطول
وانتظرته لين مليت الصبر والإنتظار
ماعطاه الفرصه يفهم ماترك ايه حلول
بايع ومقفي ولا له نيه بالإعتذار
من هاك الفترة قلبي عايش بصمت وذهول
واتسائل ليه خان وليه غاب وليه جار
ذي رساله يارفيقي غيرها ما ابغى اقول
انتهينا والخيانه بيننا صارت ستار
حامدزيد
إي بالله أخطو والخطا اللي جابهم عين الصواب مبطي وأنا أشوف الطمع يكشف زادهم وأستره
مايملي عيون الحسود بهالزمن غير التراب ومن لايتوب من الخطا تحرم عليه المعذرة
عقب إكتئاب البارحة ماعاد أنا حمل إكتئاب الطيب جرجرني وأنا ماني بناقص جرجره
أنا تجرعت الظما لين إحترق وجهي وذاب أنا كسرت بخاطري قبل الصداقة تكسره
أنا خسرت اللي غيابه غير عن كل الغياب أنا غفرت لعالم ماتستحق المغفرة
أنا أكثر إنسان تعلم من كثر ما أخطا وصاب أنا آخر لسان يتكلم في زمان الثرثرة
أنا القصيد اللي فزع من دفتره مليون ناب وأنا الوحيد اللي جمع مليون ناب بدفتره
جفني وجرٌحه السهر وحيلي هدته الصعاب دمعي هدر, ضحكي ندر, عمري وضيعت أكثره
شيٌبت بعقول العرب, هيبت روسٍ ماتهاب جمخرة ناسٍ عمرهم مايعرفون الجمهره
ماصرت ذيب إلا لأن اللي تحدوني ذياب ماكنت أغيب إلا لأن العفو عند المقدرة
ترا حلاتك لاحملت لصاحبك كلمة عتاب إن مانطقت بها بوجهه, ماتذمه بظهره
بهالزمن مايملي عيون الحسود إلا التراب ولا الحظيظ الطلقة اللي ما تصيبه تذعره
ودك اليامن جاتك الغلطة من الناس القراب الصاحب اللي ماكسبت محبته ماتخسره
حامدزيد
هذا الخطا اللي ماتوقعت يخطيه شف كيف كشر طيب القلب نابه
أثر الحسد لاعشعش بصدر راعيه يجعل من قلوب الحبايب ذيابه
اللي تعلم من سكوتي تماديه علمني استقبل خطاه برحابه
والواجب انه لو جحد فزعتي فيه مايجحد حقوق النسب والقرابه
وانا اللي يوم ان المصايب تبكيه كنت اقرب إله بضيقته من ثيابه
اللي تعاف اوله ينعاف تاليه وانا كفا صدري من الغيظ مابه
من لا وقف لي وقفة رجال مابيه يغني عن حضور المقفي غيابه
من لافزع بالكايده مع بني خيه وقت الرخا مايحسب حساب لابه
علمت غيري كيف لاصد ماجيه وانا تعلمت الصبر والصلابه
لان الشجاع ان مالقى من يواسيه ان مانشدته ماعلمت بمصابه
دام احترامي للقرابه مجريه ياشيخ ملعون امها من قرابه
...نـــــاصــر:
الله يا زين الليالي كل مانرجع ورا
شان الزمن ياهل ترى .. والا يا عالم وش جرى
لا طعم للضحكه ولااللقمه ولا حتى الكرى
والعمر ينقص مثل ما تنقص ملذات الحياة

ما فيه صدرالا وفاح ولا كلام الا انحكى
واللي شكا واللي بكا .. واللي على الحزناتكا
واللي خذا له بندق و دور خويه و ارتكى
حتى افلس وضاقت عليه الأرض من كلالجهات

حــــامــــد:
كلن يجود بنيته ولكل مؤمن مانوى
الكره داء بلا دوى .. واصابعك ماهيسوى
العين تتبع ما هوت والقلب يتبع ما هوى
وان قوّم الله القيامه نسأل اللهالله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراطٍ مستقيم
تعامله مثل الخوي ويعاملك مثل الخصيم
ان كانها من بابغيره ما يغار الا البنات

نــــاصـــر:
الله على قدر النصيحة فى القديم منالزمن
كلٍّ إلى قالوا تمن .. قال أشري وصاه بثمن
واليوم الآباء قبل الابنانصفهم ما ينضمن
وجدي على لقمان والا يا وجودي يا بْركات

تشكي مشاعرناالجفاف وكل صدرٍ فيه خوف
أزمة ثقه وأزمة ظروف .. الكل منها ما يشوف
من كثر ماقل العدل ما عاد يرجون الضعوف
من بيت مال المسلمين ايّ صدقه وايّةزكاة

حــــامــــد:
من عزه الله في ذرانا ذيفراش وذي غطا
نعطي ولا نرجي العطا .. ولا يجي منا الخطا
نصبر على مر اللياليلو يطول ابنا البطا
بعض الاوادم لو يموت من الفقر ما قال هات

ما يجتمعكفٍ جواد ومدةٍ متباهيه
خل الاوادم لاهيه .. واعط العطايا راهيه
ياتكرم الناسبشرفها , يا تغور بداهيه
لو صدق لك نيه تجود تجود لكن من سكات


ما رجينا الا عطا رب البريه
لو حدانا من ظروف الوقت حادي

معسرين من الرقوم المصرفيه
وميسرين من المكارم والمبادي

كم حمسنا البن وارهينا العطيه
من قبل عصر الهواتف والروادي

ان تضايقنا روابعنا قويه
وان تبسمنا مقاصدنا بعادي
اسمع قصائد واقول لية
ضحكت وصار الشعر كلام فاضى

والله كل القصائد قوية
.وانا انسان احساسي ماهوعادى





رد مع اقتباس

اخر 10 مواضيع التي كتبها هيثم
المواضيع المنتدى اخر مشاركة عدد الردود عدد المشاهدات تاريخ اخر مشاركة
افضل كنوز وافضل زرع؟ ♪ ملتقى العام ..~ صدى القلب 3 485 15-03-14 09:20 PM
اهداء الى صاحب كلمات حكاية ظليمة ♪ ملتقى العام ..~ سـامـي 5 932 15-01-27 05:51 PM
يا خوي الجنب لا عاد تلحقني ملام ♪ ملتقى الفن والفنانين ..~ أبو عبدالله 2 10127 15-01-02 05:20 PM
فزاع ابداع ..الجار للجار ♪ المكتبه الصوتيه والمرئيه ..~ هيثم 3 882 14-12-09 05:35 AM
هنئا لاهل المعروف هذا الفضل ♪ ملتقى العام ..~ جآي طآير 5 683 14-12-04 10:46 AM
بالعدل نبقى وبالظلم نشقى ♪ ملتقى العام ..~ هيثم 4 678 14-11-28 12:51 AM
خلاص انا وانت ♪ ترانيم الــقۉآفي..~ خياله حي في عيني اشوفه 3 624 14-11-21 11:08 PM
من احاديث رسول الله صلى الله عليه وسلم ♪ ملتقى العام ..~ جآي طآير 3 682 14-11-16 12:01 AM
من بعد الردية والله شوفت الاذية ♪ ترانيم الــقۉآفي..~ هيثم 10 1192 14-11-10 11:00 PM
اخواني واخواتي ..ممكن طلب ♪ ملتقى جماهير الفنان خالد عبدالرحمن ..~ فتى تبوك 11 1493 14-10-22 02:35 PM

قديم 14-11-11   #2
سـامـي
عاشق مبدع


الصورة الرمزية سـامـي
سـامـي غير متواجد حالياً

بيانات اضافيه [ + ]
 رقم العضوية : 4946
 تاريخ التسجيل :  Mar 2013
 العمر : 39
 أخر زيارة : منذ 2 أسابيع (10:51 PM)
 المشاركات : 3,816 [ + ]
 التقييم :  222
افتراضي



تعيش وتسلم من الشر


 


رد مع اقتباس
قديم 14-11-11   #3
شموخ الدوسري
عاشق مجتهد


الصورة الرمزية شموخ الدوسري
شموخ الدوسري غير متواجد حالياً

بيانات اضافيه [ + ]
 رقم العضوية : 6165
 تاريخ التسجيل :  Jan 2014
 أخر زيارة : 17-12-18 (03:12 PM)
 المشاركات : 1,514 [ + ]
 التقييم :  528
افتراضي



تسلم اخوي هيثم يعطيك العافيه ع النقل
شكرآ جزيﻵ لك تحياتي لسمووك


 


رد مع اقتباس
قديم 14-11-12   #4
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



اشكركم بعنف اخوانى سامي وشموخ على مرورك اللى عطر صفحتى ..
.بس ترى انا والله من جد اتكلم عندى مشكلة وماشية على مود الاخوان الثلاثة ..ناصر وخالد وحامد ... في ذمتهم ..
انا مستمع ممتاز لخالد من عشرين سنة اي شريط ينزل اول من يشترية في الحارة ...وتبي الصدق حاس اني لوحدى اسمع لخالد لانى..يمكن علشانى عايش في جدة ..لكن الصراحة ماعمرى صادفت احد يسمع لخالد مثلى,,

اخر شريط ماسمعتة ولة حسمعة الين تنحل مشكلتى ...




 


رد مع اقتباس
قديم 14-11-13   #5
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



حامد زيد
من عرفت العلم وانتي يالليالي سرمديه
والوصول أغلى طموحات الفتى بأول شبابه
والمهابه ماتهادت غير لنفوسٍ رديه
ليت في قلب الليالي للفتى قدر ومهابه
دنيةٍ تجمع صفاتين الخجل والعنجهيه
كنها بنت يزود بحسنها ثقل وذرابه
يوم جتني تمتحني في زمان الجاهليه
جيتها رجلٍ تحلى في تقاليد الصحابه
بالعطا تبخل علي وبالعذاب تموت فيه
عشتها قلب شجاع يكره الضيم ويهابه
بس ابدري وش نهاية وصلها وأخر هديه
وهو صحيح ان القصايد للجريح أول عذابه
ومن عرف لك يالليالي وانتي اكثر من هويه
ومن تلحف في ترابك مقتنع باللي جرا به
من قدر طموحه في زمان المعمعيه
مَن مِن الناس يتجرا يتركك وانتي ترابه
السؤال يعيد نفسه والاٍ جابه مبدئيه
والقلوب اللي تخالف ودها صارت تشابه
والخلايق ماتسوي طيبها جود وحميه
كلنا نضحك بوجهِ مبتسم للغدر نابه
لو يصير الموت راعي .. كلبونا له رعيه
لو زعل نزعل ونرضى لا رضى حضرة جنابه
والله اني مانويت اكشف ملفات القضيه
لكن اني شفت شيٍ يفقد العاقل صوابه
ياالحياه انتي غديتي بالغرابيل اجوديه
كنك اللي مايميز بالخطا غير ارتكابه
ماعطيتي غير جرح ولعنبوها من عطيه
والله انك ما عطيتي خير للقلب وصوابه
خاينه .. ما انتي عزيزة خافقي ياالأجنبيه
جنبي عني وأجنب من مداخيل الغرابه
وأخذ بدربٍ يدرك للقى روحه وجيه
يايموت الدرب ولا بدفن القلب بضبابه
وان ذبحتني تمني رجعتي وابكي عليه
لين تملين المحاجر بالبكا حزن وكآ به
وادفنيني بين ظلك والخيوط العسجديه
لو لقيتي بعد موتي واحد بنفس الصلابه
شاعرٍ قدم قصيده لاغلب أيامك ضحيه
بين ناسٍ مايطيقون القرايه والكتابه
يازماني لو بقى للشعر في صدري بقيه
بكتبه وارسم خيالي بالورق وأروي سرابه
وكان ردت للعناد وعودت للمقدريه
والله أني ما اتنازل لين اعديه السحابه
يازمانٍ مبتلي به وابتلى فيني بليه
لاتلوم اللي يخونك كان له عقل ولبابه
بقفل القلب المشقى عن هبايبك العتيه
ودق بابه من بعدها لو قدرت تدق بابه
الحياه اللي تسمي لعبة الشاطر خطيه
ماتساوت في عيوني مع جناحين الذبابه
أذكر أني كنت عايش بالليال الاوليه
وأذكر أني كنت عايش وقتها باحضان غابه
ماعرفت إلا عبارة مثلها مثل الوصيه
عيش عمرك ذيب تسلم من مخاليب الذيابه
خالدعبدالرحمن
ضيقوا صـدره وشــكك في غـلاه
وابتعد عنــي وكنـي لا احــــد
مادرى اني في هواه اطـلب رضــاه
اعترف لي في غرامــي أو جحــد
السؤال اللي قهرني وش بـــــلاه
كيف ظـن كيف صــدق واستفــد
والجواب ان الوفاء طبعي معـــاه
ياخطايا الــوقت هاتي مابعـــد
عند ربي علم هالبــير وغطــاه
وعندك ادرى وش بقــلبي من جلد
وعندي ادرى من يكـابد في اســاه
وعندك أدرى ما اطرد المقفــي أبد
الســعيد اللي تحقــق مبــتغاه
الحياة أرزاق واهبهـــــا الأحد
والتعيس اللي سحب همـــه وراه
غمض العينين واخطاء في الــعدد
انقتل حلمي قبل يبلــغ مـــداه
حلم وردي حلم في وسط المهــد
آآآآآه ياجرحٍ معك يصــعب شفاه
ظالمٍ نفســك وظالمــني بعـد
ناصر القحطانى
نفوس الذل تسقط والنفوس الساميات تعيش ..وراعي الكلمه اللي يستحي منها يبديها
احسب ان المبادي عملة ماتقبل التغشيش ...سقا الله يوم قلت : اي والله أن أموت شاريها
أردّدها .. صغيّر سن .. توّي مانبت لي ريش ...أثرها عيّدت بأهل الكراسي في كراسيها
عساني ماصغرت من احترامي نقطة التفتيش ....وعساني ماكبرت من المنصّات وتهانيها
الى زل ّ السفيه استصغره حتى من التهويش ....والى استفزع بربعه قلت : ما أحلى فرك أذانيها
والى ضاقوا عليّ حتيش وأن طاشوا بعد حتيش .....والى وصلت مداها جبت عاليها لواطيها
عطاني مانع الفتنه مناعه من هل التشويش ....ونجّاني من عيال الحرام ومن بلاويها
من اعراض العرب لاطفالها تقتات لقمة العيش ... ياويح أهل الكبود الناشفه من كفّ واليها
الا ياماكثر الضوضاء والا يا ما حلا التطنيش ..... والا يا ما أطول الدعوى والا يا وين قاضيها
عسى الله مايحد القرم للعيشه ورى البخشيش ...وش الأشناب لاقام الدهر ينفض مخابيها
تعفرت كم ثعل لين أعتبرني صاحبي درويش ...وانا لي كلمة رخص الكلام وعشت مغليها
على فرقا جلاليب الضماير في مزاد الطيش ...تنومسني مزونن ماخضع ماها لباغيها
بلا سجّاد .. لانذر عليّ الا افتراش الخيش .... أعزّ لهامة كني على الغيمه موصيها
وانا لو ما حترفت الرمي لين اسرفت بالتحويش ...ظهرت من الميادين وعطيت القوس باريها
الا يالله طلبتك سمعة ماتقبل التهميش .....ولو متّ افقر الناس وهلي فقرانه يديها
عسى ماهو صحيح ان المبادي ماتوكل عيش .... اذا هو صدق .. أجل عز الله اني رايح فيها


 


رد مع اقتباس
قديم 14-11-20   #6
المحرمي
عاشق جديد


الصورة الرمزية المحرمي
المحرمي غير متواجد حالياً

بيانات اضافيه [ + ]
 رقم العضوية : 6101
 تاريخ التسجيل :  Jan 2014
 أخر زيارة : 14-12-03 (12:09 AM)
 المشاركات : 21 [ + ]
 التقييم :  54
افتراضي



الله يعطيك العافية


 


رد مع اقتباس
قديم 14-11-23   #7
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



شكرا اخونى سمى شموخ محرمى ..نورتو الصفحة بتوجدكم


حلي محلي لو جرحتك وقفيت
ما اظن يصفح خافقك عن خطايه
حلي محلي لو سفهتك وصديت
مافاتك انك تسرعي في قضايه

حلي محلي لو تجاوزت وخطيت
بشوف شرك في عيونك بدايه
ما يتفق حي على الارض مع ميت
في عيني انتي ميته يا نهايه

ياليتني في عشرتك ما تماديت
ولاعطيتك فوق حجمك غلايه
تدرين ياما في وصالك تمنيت
واليوم انا كلي غنا عن هوايه

انا من احساسي تجاهك تبريت
تركتك انتي مع همومك ورايه
وش هالجراءه انتهكتي حرم بيت
ملصق على بعض المعالم دعايه


 


رد مع اقتباس
قديم 14-11-24   #8
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



عرفتك حب ماله ثار
عرفت الليل والاسرار
عرفت الحب مايختار ..
حبيبي مو غريب الحب
غريب الجرح ماله طب
صراحه طول المشوار ..

ابو وجهين متواجد
حساد الهوى واجد
ولاتزعل ولاتحتار ..
حبيبي ماعرفت اليأس
ولا اثر بي كلام الناس
طبيعي في البشر ثرثار ..

نبي ننسى مآسينا
وتتشابك ايادينا
وننثر للفرح ازهار ..
حلمت بحبنا دايم
غرام وجونا غايم
فرح وسرور واستبشار ..



اصعب اللحظات فقد الإتزان
بين قلبي و بين عقلي مشكلة
العقل برر صواديف الزمان
و قلبي اللي شاف بك مستقبله
جيت ادور من دفا همسك حنان
يا حياة الروح اتعبني الوله

حمام
حمـام ياشـادي الواحـه
هيضتني يانزيـل الـدوح
الـروح ماهيـب مرتـاحــه
من حالها والجروح جروح
صحيح مافي الهوى راحـه
لاصرت عن غايـتك مطـروح
والحــب بلـواه فضّـاحــه
راعيه لو يجحده مفضـوح

لاشافـت الطيــر بجناحــه
يكفخ وجو الفضاء مفتـوح
قامت بالاشـواق نوّاحـه
لاشك عيـّا يســر النـوح
صحيح مافي الهوى راحـه
لاصرت عن غايـتك مطـروح
والحــب بلـواه فضّـاحــه
راعيه لو يجحده مفضـوح
شكواه ماتشفـي جراحـه
والروح خطر عليها تروح
دايـــم بالاســرار بــوّاحــه
لو كان مافي الحكي مصلـوح
صحيح مافي الهوى راحـه
لاصرت عن غايـتك مطـروح
والحــب بلـواه فضّـاحــه
راعيه لو يجحده مفضـوح


 


رد مع اقتباس
قديم 14-12-05   #9
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



كيف صديت عني حسبي الله عليك .......ابك انا ما تركتــك يوم ناديتنــي .
.
بيض الله وجهــي يوم فزيت فيك ........وسود الله وجهــك يـوم خليتنــي .


 


رد مع اقتباس
قديم 14-12-07   #10
هيثم
عاشق مشارك


الصورة الرمزية هيثم
هيثم غير متواجد حالياً

بيانات اضافيه [ + ]
 رقم العضوية : 5575
 تاريخ التسجيل :  Sep 2013
 أخر زيارة : 15-03-14 (09:20 PM)
 المشاركات : 184 [ + ]
 التقييم :  62
افتراضي



مشكلة لا جات حاجتك بيدين البخيل
ما يفكك لين تدفع كثر ما يدفعه
و مشكلة لا صرت مطعون بكفوف الدخيل
في ظهرك أربع خناجر و بالصدر أربعه
و مشكله لا ضاق بالوقت رجالٍ ثقيل
يطلب أحبابه و عيا زمانه ينفعه
ليت ربي ما يحاسب خليلٍ من خليل
دام ما للحظ فزعة و للوجه أقنعه
دام ما للعذل تالي و ما بالحيل حيل
الغلا سمٍ نذوقه و مُرٍ نجرعه
نحتري فيه اللقا و الحصيل اهوَ الحصيل
مثل حلمٍ ما تحقق و عييت أقطعه
كني اللي حط بشفاه من جمر المليل
لا قدر يرميه للناس و ازرى يبلعه
و الظروف اللي حدتني لنيران و فتيل
عرضت دمع المحاجر لشيٍ يجزعه
و المدامع بالغلا لا تحال و لا تحيل
و المشاكل كل ماجات جات مجمعه
أعذلوني عن هوى النفس و عيوني تخيل
في حبيبٍ ما تركته و لازلت اتبعه
مغرمٍ في حب مثله و لا أرضى له بديل
عيني تشوفه و قلبي يجوع و يشبعه
ذاك كل ما زان بالي و طالعت النخيل
ما ذكرت الاّ ثباته بوقت الزعزعه
ما هو إلا قطعةٍ من حشا قلبٍ عليل
و ماني الا قطعةٍ منه مخلوقٍ معه
لا جميلٍ شفت قبله و لا بعده جميل
العذارى رهن رمشه و انا رهن أصبعه
و الله انه لو طلبني طلوع المستحيل
ل اطلعه منّيه مناك يعني لطلعه
ما علي من الملامه و لا هرج الهبيل
ما أشجع الرجال لا ثار غيره ما أشجعه
في عيون اللي عشقني و لا جاني هزيل
الله اللي حط عشقه بقلبي و ازرعه
لو سكت ينطق له الصم و الدنيا تسيل
و ان حكى لو يمشي المزن يوقف يسمعه
سلسبيلٍ من شفاته يخالط سلسبيل
معمعه بسكات و احلى سكات بمعمعه
ما هقيت ان أكثر الليل يمرح بالجدايل
لين شفته شوف عيني بكفه يرفعه
و إن حييت و ما بقى لي معه كود ليل
لسهره بأول غروبه و اموت بمطلعه
و الله ان العشق جمره و طاحت بالشليل
و ان حصل ما طاعك الوقت بحبابك طعه
و منهو اللي علم أعداي نكران الجميل
و منهو الي خان خلي و حاول يقنعه
كل عاذل ردني عنك يالطرف الكحيل
يا عسى الله يقلعه يا عسى الله يقلعه
يا معرض قلب الأحباب للدرب الطويل
السعه لا بارك الله بالضيق السعه
و الله أن الوقت قاسي و أنا ماني ذليل
و أشهد ان الرجل مرات ظنه يخدعه
و أنتم تعذلون خفاق بعيون العديل
ما رحمتم نار جرحه و غيرة مدمعه
و السوالف ليلها ليل و الحايل يحيل
و المشاكل مشكله مشكله متجمعه
مشكله لا خانك الوقت بالحمل الثقيل
لو زرعت الزرع هوج العواصف يشلعه
و مشكله لا صار عاذلك ما يبرد غليل
لا ترده طيب كلمه و لا حدٍ يمنعه
و مشكله لا صرت مطعون بكفوف الدخيل
في ظهرك أربع خناجر و بالصدر أربعه


 


رد مع اقتباس
إضافة رد

مواقع النشر (المفضلة)

الكلمات الدلالية (Tags)
والله, الاذية, الردية, بعد, شوفت


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
عيب والله عيب عليكم .. يحيى القحطاني ♪ ملتقى جماهير الفنان خالد عبدالرحمن ..~ 13 14-10-21 09:05 PM
كيف احزن والله ربي شموخ الدوسري ♪ ملتقى العام ..~ 4 14-10-12 11:54 PM
ما اقدر والله اودعك فتى تبوك ♪ ملتقى مخاوي الليل الأدبي ..~ 0 12-08-16 08:05 PM
صار اللي في بالي والله صار .. !! آهـات خـالـد ♪ ملتقى جماهير الفنان خالد عبدالرحمن ..~ 10 11-06-04 07:47 PM
ايه والله هذا هو گله رجوله وجمال جروح العمر ♪ ملتقى الشباب ..~ 14 11-05-09 12:54 PM


Powered by vBulletin® 2019, Trans. By Soft
HêĽм √ 3.1 BY: ! ωαнαм ! © 2010
جميع الحقوق محفوظة لمنتديات عشاق خالد عبدالرحمن ©
RSS RSS 2.0 XML MAP HTML

الساعة الآن 12:00 AM

أقسام المنتدى

∫ مُلتقَى مَلكـْ الفَنْ .. @ ∫ مُلتقَى الأقْسَآم الأدَبيـّـةْ .. @ ∫ مُلتقَى الأقْسَآم التَرْفيهيـّةْ .. @ ∫ مُلتقَى الأقْسَآم التِقَنيـّـةْ .. @ ∫ مُلتقَى الأقْسَآم الإدَآريــَـةْ .. @ ♪ ملتقى جماهير الفنان خالد عبدالرحمن ..~ @ ♪ المكتبه الصوتيه والمرئيه ..~ @ ♪ مكتبه صور ملك الفن ..~ @ ♪ ملتقى مخاوي الليل الأدبي ..~ @ ∫ مُلتقَى الأقْسَآم العَامـّة .. @ ♪ ملتقى العام ..~ @ ♪ ترانيم الــقۉآفي..~ @ ♪ نبض الخوآطر ..~ @ ♪ ملتقى الشباب ..~ @ ♪ ملتقى المرح والوناسة ..~ @ ♪ الكمبيوتر والبرامج ..~ @ ♪ ملتقى الصور والسياحه ..~ @ ♪ منتدى التصميم والجرافيكس ..~ @ ♪ قسم الجوال والـ sms ..~ @ ♪صفحه الفنان خالد عبدالرحمن twitter ..~ @ ♪ منتدى تحليل الاغاني الخالديه ..~ @ ♪ ملك الإهداءات والتهاني ..~ @ ♪ ماسنجـ MSN ـر وتوبيكات ..~ @ ♪ ملتقى الفن والفنانين ..~ @ حبر .. وورق @ جلسآت ملك الفن @ القسم الإسلامي العام @


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27